بيان جمعية عيش الفنّ علّي صار ا ليوم في شارع الحبيب بورڨيبة

بيان جمعية عيش الفنّ علّي صار ا ليوم في شارع الحبيب بورڨيبة، كنّا دعينا كيف ما تعرفو الناس الكل "لاحتلال" شا رع الحبيب بورڨيبة "بالفنّ" نهار الخميس 22 مارس 16 (أدخلو ... évènement Occupy Bourguib'ART Street)توّا تفهمو. تلمّينا في شارع الحبيب بورقيبة قدام المسرح البلدي، و تزدمنا من عدد لعباد إلّي جات ! أكثر من 150 فناّن شابّ أعمارهم مابين (12و25 عام) كلّ واحد جايب قيتارتو معاه وإلي جايب ساكسوفون...غرافيتي...Street Danse, Théâtre,Peintureياخي كالعادة جاونا البوليسيّة و قلونا براو روحو!ممنوع إلّي تعملو فيه! (مع العلم إلّي أحنا أعلمنا وزارة الدّاخليّة و خذينا دشارج) طردونا من قدام المسرح مشينا لوسط الشارع و بدينا فالموزيكا و الڨرافيتي يتاڨيو "فالقاعة و عالشجر" ياخي وقتها زدمو البوليسيّة و ضربونا بالڨاز و فرقونا و هزّو عبدو "عضو و مصور فوتوغرافي بجمعية عيش الفنّ" و هزوه للمركز خاطرو يصور و زيد ضربو "محمد السوداني إلّي كان متضامن معانا، ومبعد ما سيبو لولاد رجعنا للشارع لحبيب بورقيبة و بدينا نعيطو "الشعب يريد حريّة التعبير" و قعدنا فالقاعة و عملنا موزيكا بسّيف عليهم و كانت لعباد فرحانة برشة و متضامنين معانا، اليوما وين زدنا تأكدنا إلّي متبدّل شى! ونحبّو نقولو للّي ضربونا اليوم، إلّي جمعيتنا تخلقت باش تعمل فنّ الشارع "في الشارع" و بلغة الشارع" ! هاذي ماهي كان البداية و كلّ جمعة رانا بش نهبطو للشارع و ميسالش ناكلو طريحة أما نعملو إلّي نحبّو عليه...خلقنا لنقاوم و لن نساوم ... نعيشو الفن و نحضرو للاستبداد الكفن